RITUALE ROMANUM (1952)
Tit. IX, Cap. VIII
2. Benedictio instrumentorum organi in ecclesia.
V/. Adjutórium nostrum † in nómine Dómini.
R/. Qui fecit cælum et terram.
Psaume 150
Laudáte Dóminum in sanctis ejus : * laudáte eum in firmaménto virtútis ejus.
Laudáte eum in virtútibus ejus : * laudáte eum secúndum multitúdinem magnitúdinis ejus.
Laudáte eum in sono tubæ : * laudáte eum in psaltério et cíthara.
Laudáte eum in týmpano et choro : * laudáte eum in chordis et órgano.
Laudáte eum in cýmbalis benesonántibus : † laudáte eum in cýmbalis jubilatiónis : * omnis spíritus laudet Dóminum.
Glória Patri et Fílio * et Spirítui Sancto.
Sicut erat in princípio et nunc et semper * et in sǽcula sæculórum. Amen.
V/. Laudáte Dóminum in týmpano et choro.
R/. Laudáte eum in chordis et órgano
V/. Dóminus vobíscum.
R/. Et cum spíritu tuo.
Orémus. Oratio
Deus, qui per Móysen fámulum tuum tubas as canéndum super sacrifíciis, nómini tuo offeréndis, fácere præcepísti, quique per fílios Israël in tubis et cýmbalis laudem tui nóminis decantári voluísti : béne † dic, quǽsumus, hoc instruméntum órgani, cúltui tuo dedicátum ; et præsta, ut fidéles tui in cánticis spirituálibus jubilántes in terris, ad gáudia ætérna perveníre mereántur in cælis. Per Dóminum nostrum Jesum Christum Fílium tuum : qui tecum vivit et regnat in unitáte Spíritus Sancti Deus, per ómnia sǽcula sæculorum.
R/. Amen.
Et aspergatur aqua benedicta.
Soutenir le Forum Catholique dans son entretien, c'est possible. Soit à l'aide d'un virement mensuel soit par le biais d'un soutien ponctuel.
Rendez-vous sur la page dédiée en cliquant ici.
D'avance, merci !