Le Forum Catholique

L1, ch X, n°6 :

Verum, quidquid sit de hac controversia, quemadmodum certum esse videtur, uti supra dictum est, nunquam Episcopos potuisse veras peragere Canonizationes; praecipere etenim, ut aliquis tanquam Sanctus publico Cultu colatur in universa Ecclesia, nec potest, nec potuit unquam ad eum pertinere, qui limitatam obtinet jurisdictionem in una Dioecesi, aut Provincia, sed ad eum tantummodo, qui jus obtinet in universa Ecclesa; ita perspicuum apparet, Primates, Achiepiscopos, aut Episcopos olim potuisse Cultum publicum indulgere erga Martyres, aut Confessores in sua Provincia, aut Dioecesi, quod est idem ac dicere, Beatificationis honores concedere, aut advocata Summi Pontificis authoritate, aut etiam jure suo, absque eo quod ab illa dependerent, sicut ex supradictis facile colligi potest.