Le Pape peut très bien déléguer ce droit en vertu du MP Peculiare Ius
Le Forum Catholique
Imprimer le Fil Complet
CMdelaRocca - 2012-10-31 21:43:14
Le Pape peut très bien déléguer ce droit en vertu du MP Peculiare Ius
En vertu du motu proprio Peculiare Ius de Paul VI (Die 8 februarii 1966 Paulus VI per Litteras Apostolicas Motu proprio datas normas de altaris Pontificii usu in Patriarchalibus Basilicis Romanis decrevit) peut célébrer à l'autel de la Confession tout cardinal ou évêque délégué par le Pape. Ainsi SER le cardinal Sodano célébrait en tant que secrétaire d'état et au nom du Saint Père, et il semble que même l'archiprêtre de la basilique puisse avoir ce droit. Pourquoi ne pourrait-il déléguer ce droit à SER le cardinal Canizarès ?
source:Enchiridion Documentorum Instaurationis Liturgicae - I (CLV, 1990)
le texte in extenso (vraiment pour les amateurs): PECULIARE IUS, quo sive Romae sive Asisii in Basilicis Patriarchalibus altaris Pontificii usus regitur, plane indicat quae precipui honoris significationes sint illis Basilicis habendae, ex eo quod ad Summum Pontificem proprio quodam titulo pertinent.
Ex quo singulari iure, ut inter omnes constat, ad harum Basilicarum altare primarium unus Summus Pontifex Sacrum facere potest; nemini vero alii hoc licet, nisi ex ipsius Pontificis venia. 1
Hoc autem privilegium ex vetere eo usu natum esse videtur, pro quo uni Episcopo attribuebatur princeps sacrae aedis altare, ubi exstabat ipsius Episcopi cathedra; ob eam scilicet causam, ut palam ostenderetur, omnes dioecesis christifideles et in unam convenire fidem, et uni adhaerere Pastori, et uni circumfundi altari; iuxta illud S. Ignatii Antiocheni: una enim est caro Domini nostri Iesu Christi, et unus calix in unitatem sanguinis ipsius, unum altare, sicut unus episcopus cum presbyterio et diaconis, coservis meis. 2
Ex longa consuetudine, Romae uni Summo Pontifici altaria Basilicarum addicebantur, quae ad Patriarchium, hoc est ad sedem Summi Pontificis, pertinebant, quaeque in litteratis monumentis mediae, quam vocant, aetatis etiam Patriarchatus nomine designabantur. 3
Quae tamen disciplina non erat initio perinde gravis, ut nostris hisce diebus. Etenim saeculo V Decessor Noster f.r. Simplicius constituit, ut, in Basilicis S. Petri, S. Pauli et S. Laurentii, Presbyteri Titulorum certarum regionum Urbis per hebdomadam sacros ritus conficerent; 4 quod postea etiam quoad Basilicam S. Mariae Maioris factum esse scimus. Constat praetera tam saeculo IX divinum cultum, ita ordinatum ut diximus, a VII Cardinalibus Presbyteris in unaquaque IV Basilicarum Patriarchalium peragi consuevisse. 5 In Basilica autem Lateranensi hoc sacros hebdomadales ritus, ad medium saeculum VIII, obibant VII Cardinales Episcopi, sedibus praepositi quae proxime ad Romam adiacebant. Quibus Decessor Noster b.m. Stephanus III illud quoque munus detulit, ut singulis diebus dominicis super altare S. Petris Sacris operarentur. 6
Sed postea, rerum temporumque adiunctis mutatis, factum est pedetemptim, ut disciplina, ex qua altaris Pontificii usus uni Summo Pontifici servabatur, severius exigeretur, eamque ad ultimum haberet iuris formulam, quam Decessor Noster f.r. Benedictus XIV statuit, 7 quamque Codex Iuris Canonici assumpsit.
Attamen nunc res ac tempus a Nobis postulare videntur, ut in Patriarchalibus Basilicis Romanis huic privilegio laxamentum quoddam demus. Primum enim opportunum putamus, sollemnioribus Ecclesiae diebus festis, cum scilicet, frequentior est christiani populi in templum concursus, in hisce Basilicis Sacrum peragi loco elato et centrali; ita nempe ut, ad Concilii Oecumenici Vaticani II optata, altare revera centrum sit, quo totius congregationis fidelium attentio sponte convertatur. 8 Deinde nostro hoc tempore Romae saepenumero catholicorum congressiones vel conventus varias ob causas habentur, quibus, ut plurimum, magna hominum multitudo inter est; qui fere saltem semel, in aedem sacram, ingentis numeri capacem, coguntur, ut divinis assistant. Praeterea hodie Romam frequentiores quam antea, pietatis causa, confluunt undique terrarum christianorum turmae; quibus, cum in primis optent Patriarchales Basilicas invisere et Sacris ibidem interesse, opus est bene patentem aram parare.
Quapropter, aliquid de vigente lege immutantes, concedimus, ut ad altare Pontificium, praeterquam a Romano Pontifice, ab aliis etiam Eucharisticum Sacrificium confici possit, his tamen modis statutis:
1. Ut patet, nulla de hac re concessio imperietur, ad eam Basilicam et ad eum diem quod attinet, in quibus ipse Summus Pontifex sacris operari statuerit.
Quod cum, perspicuas ob rationes, in Basilica Petriana crebrius evenire possit, venia idcirco rarius dabitur Sacrum peragendi ad altare Pontificium huius Basilicae.
2. Nostra huiuscemodi concessio ad Patriarchales tantum Basilicas spectant, quae Romae sunt: hoc est, ad Archibasilicam Lateranensem, et ad Basilicas S. Petri, S. Pauli, S. Mariae Maioris, S. Laurentii extra moenia.
3. Hac concessione frui dumtaxat poterunt:
a) In sua quisque Basilica, Cardinalis Basilicae Archipresbyter, aut eo ab Urbe absente vel impedito, Episcopus eius vices gerens, vel ab eo delegatus;
b) In Archibasilica Lateranensi, Cardinalis in Urbe Vicarius, vel Episcopus eius vices gerens;
c) In Basilica S. Pauli, Abbas eidem tempio praepositus;
d) In Basilica S. Laurentii extra moenia, Abbas Commendatarius, quem vocant;
e) In qualibet Patriarchali Basilica Romana, Episcopus quicumque magnum peregrinorum numerum ducit;
f) Ad has Patriarchales Basilicas Romanas quod spectat, est Nobis in animo privilegiis nullo modo derogare, quibus, certis diebus festis, Praelati quidam iam fruuntur.
4. Causa, ob quam huiusmodi venia datur, in frequentissimo fidelium concursu semper ponenda est: sive ob sollemnes Ecclesiae dies festos primae classis; sive ob congressiones et conventus, varia de causa actos; sive ob numerosam peregrinationem, Romam ductam.
5. Ne autem concessiones superveniant concessionibus, necessarium arbitramur, eas tantummodo ab eo Viro tribui, qui Basilicae Patriarchali moderetur.
http://www.leforumcatholique.org/message.php?num=649257