Le Forum Catholique

DUBIUM.

Circa sacra paramenta et pallam calicis in Missis defunctorum.

I. Quum in Caeremoniali Episcoporum lib. II, cap. XI n. I legatur: " Omnia paramenta, tam altaris, quam celebrantis, et ministrorum, librorura, et faldistorii sint nigra, et in his nullae imagines mortuorum, vel cruces albae ponantur," quaeritur : An in dictis paramentis repraesentari possint calvaria cum ossibus decussatis defunctorum ?

II. Ex decreto S. R. C., n. 3832 Dubiorurn resolutio 17 lulii 1894, ad IV permittitur ut palla calicis in parte superiori sit co operta panno serico, aut ex auro vel argento, et acu depicto, dum modo palla linea subnexa calicem cooperiat ac pars superior non sit nigri colons, nee cum aliquo mortis signo. Quaeritur : An huiusmodi palla subnexa possit esse linum cruce munitum et subsutum, ad modum pallae, nee amovibile ?

Et Sacra Rituum Congregatio pro solutione horum dubiorurn rogata, ad relationem subscripti Secretarii, audito Commissionis Liturgicae suffragio, rescribendum censuit :

Ad I. Negative et servetur Caeremoniale Episcoporum, loc. cit.

Ad II. Negative, et palla subnexa, proprie dicta, sit linea, munda et facile amovibilis.

Atque ita rescripsit. Die 24 Novembris 1905.

A. Card. Tripepi, Pro-Praefectus.