La version synoptique dudit chapitre, tirée de l'oeuvre citée en tête de fil.

Caput X - De pontificia autoritate extra concilium et de jure beatificandi, et canonizandi summo tantum Romao Pontifici reservato.

1. Quamvis Romani Pontifices, juxta superios recensita, nonullas canonizationes in conciliis plenariis expleverint, et in iis canonizandorum vitam et miracula perpendenda esse nonnumquam responderint, plures tamen etiam iisdem temporibus extra concilum peregerunt. Quare indubia extra concilium canonizandi potestate pollent.

2. Haereses etiam, licet aliquas in conciliis, plerasque tamen extra concilia Pontifices damnarunt. Si quae autem ab episcopis in particularibus synodis damnatae sunt, earum damnationi auctoritatem suam, Duvalio (ref.) et Thomassino (ref.) testibus, iidem Pontifices adjecerunt.

3. Jam vero, ut de jure beatificandi, et canonizandi solo Romano Pontifici reservato disseramus, nonnulla resumenda sunt ex iis, quae superius indicavimus. Alexander III monitus ab Arnulpho episcopo Lexoviensi procuratorem monasterii Gristani, in ebrietate occisum, tanquam martyrem coli, per decretalem Audivimus cultum sustulit, affirmans, non licere illum pro sancto absque auctoritate Romanae Ecclesiae publice venerari.

4. etc. Porro per hanc decretalem novum jus conditum esse, per quod Sedi Apostolicae privative reservaretur facultas cultum servis Dei decernendi, plures cum Bellarmino (ref.) sentiunt. Verum alii ejusmodi jus antiquius esse, et a memorata decretali supponi existimant. Certum illud est, potuisse olim primates, archiepiscopos, et episcopos in provincia, aut dioecesi beatificatione, jure suo, peragere. Haec autem jurisdictio, a summi Pontificis auctoritate independens, usque ad Alexandri III tempora perseveravit, uti ex pluribus beatorum corporum elevationibus sola episcopali autoritatae factis apud Bolland. (ref.) et alios, eruitur.

8. Edita vera praedicta decretali, jus canonizandi, et beatificandi fuisse Romano Pontifici privative, quoad alios reservatum, subsecuta ecclesiastica monumenta aperte declarat, licet fortasse quoad beatificationem id non fuerit ab omnibus episcopis observatum. Senserunt quidem theologi, et canonistae, per illam decretalem universaliter prohiberi publicum cultum erga quemcumque Dei servum absque Sedis Apostolicae auctoritate; nihilominus Thomas Waldensis facultatem indulgendi in dioecesi beatificationis honores, episcopis adhuc adjudicavit, cui suffragantur exempla apud Bolland. (ref) et alios. Ad tantem Urbanus VIII litem omnem diremit, omnia ad publicum beatorum cultum pertinentia, Sedi Apostolicae penitus reservans.

Soutenir le Forum Catholique dans son entretien, c'est possible. Soit à l'aide d'un virement mensuel soit par le biais d'un soutien ponctuel. Rendez-vous sur la page dédiée en cliquant ici. D'avance, merci !